Que é a FP dual?
É unha modalidade de formación profesional que ten como finalidade a cualificación profesional das persoas, onde a formación se comparte entre o centro educativo e as empresas nun contexto de actividade laboral real.
O alumnado percibe retribución polo traballo efectivo na empresa (en base ao salario mínimo interprofesional ou convenio colectivo).
Axentes Implicados
O Alumnado
Á vez que traballa na empresa, completa o desenvolvemento das súas competencias técnicas, obtendo unha titulación, un título de Formación Profesional regrada, relacionada coa actividade laboral que desenvolve na empresa na que realiza a formación práctica.
As empresas
Son pezas crave no proceso xa que sen a súa implicación a formación no posto de traballo non sería posible, perdendo o contacto coa realidade laboral e sectorial. É importante que as empresas completen a formación así como a súa avaliación, designen titores cualificados e colaboren de forma permanente cos centros de formación.
Os centros de formación
Son o nexo de unión entre as empresas e os alumnos. O seu labor céntrase en interaccionar cos centros de traballo. Son diversas as figuras que interveñen nos procesos de deseño e desenvolvemento da aprendizaxe.
Cales son os requisitos para acceder á FP dual?
SER MAIOR DE IDADE
Ter dezaoito anos ou máis no ano natural en que comece o ciclo formativo.
CARECER DE CUALIFICACIÓN
Carecer da cualificación profesional, obtida e recoñecida polo sistema de formación para o emprego ou do sistema educativo, requirida para concertar un contrato en prácticas para o posto de traballo ou a ocupación obxecto do proxecto.
CONTRATO DE FORMACIÓN
Non ter realizado con anterioridade un contrato de formación e aprendizaxe, e cumprir os requisitos establecidos na normativa laboral vixente para o poder efectuar.
MÓDULOS FORMATIVOS
Non ter superado ningún módulo profesional do ciclo formativo do proxecto solicitado, agás que fose cursando outro ciclo formativo.
Escolle o ciclo formativo que máis se adapte a ti!!
Se queres ter unha carreira profesional próspera, detente un momento e descobre todo os beneficios que obterás con esta formación de calidade.
A FP Dual proporcionarache unha maior experiencia en situacións de traballo real grazas á túa prolongada estancia na empresa. Ademais, gozarás dun seguimento personalizado da formación por parte dos titores do centro e das empresas.
Os alumnos que cursan con éxito a FP Dual teñen grandes posibilidades de acceder a un emprego na empresa onde se formaron. Apúntaste á Dual?