CM Instalacións de produción de calor
A competencia xeral deste título consiste en montar e manter instalacións caloríficas, solares térmicas e de fluídos aplicando a normativa vixente, protocolos de calidade, de seguridade e prevención de riscos laborais establecidos, asegurando a súa funcionalidade e respecto ao medio ambiente.
Plan formativo:
Os módulos profesionais deste ciclo formativo son os seguintes:
- Máquinas e equipamentos térmicos.
- Técnicas de montaxe de instalacións.
- Instalacións eléctricas e automatismos.
- Configuración de instalacións caloríficas.
- Montaxe e mantemento de instalacións caloríficas.
- Montaxe e mantemento de instalacións de auga.
- Montaxe e mantemento de instalacións de enerxía solar.
- Montaxe e mantemento de instalacións de gas e combustibles líquidos.
Que vou aprender a facer:
- Montar equipamentos e demais elementos auxiliares asociados ás instalacións caloríficas, solares térmicas e de fluídos ( circuladores, intercambiadores, vasos de expansión e tubaxes, entre outros), en condicións de calidade, seguridade e respecto ao medio ambiente, asegurando o seu funcionamento.
- Montar sistemas eléctricos e de regulación e control asociados ás instalacións caloríficas, solares térmicas e de fluídos, en condicións de calidade, seguridade, asegurando o seu funcionamento.
- Medir os parámetros e realizar as probas e verificacións, tanto funcionais como regulamentarias das instalacións, para comprobar e axustar o seu funcionamento.
- Reparar, manter e substituír equipamentos e elementos nas instalacións, en condicións de calidade, seguridade e respecto ao medio ambiente para asegurar ou reestablecer as condicións de funcionamento.
- Poñer en marcha a instalación, realizando as probas de seguridade e de funcionamento das máquinas, automatismos e dispositivos de seguridade, tras a montaxe ou mantemento dunha instalación.
Saídas profesionais:
- Instalador/ora - Mantedor/ora de equipamentos de produción de calor.
- Instalador/ora - Mantedor/ora de instalacións de calefacción e ACS.
- Instalador/ora - Mantedor/ora de instalacións solarestérmicas.
- Instalador/ora - Mantedor/ora de instalacións de auga.
- Instalador/ora - Mantedor/ora de instalacións de gas e combustibles líquidos.
Cales son as empresas nas que podo cursar esta FP Dual?
Na actualidade, este curso realízase con NEDGIA Galicia é a distribuidora de GAS NATURAL FENOSA nesta Comunidade Autónoma, onde opera desde hai máis de 20 anos impulsando a expansión do gas natural e os seus novos usos para adaptarse ás necesidades dos usuarios e da contorna. A compañía supera os 297.000 puntos de subministración e conta con máis de 3.200 quilómetros de rede en 77 municipios, o que supón que o 70% da poboación galega está hoxe en disposición de utilizar esta enerxía. Este ano non se ofrece alumnado de 1º curso.
