CS Deseño en fabricación Mecánica
Trátase dun ciclo pensado para preparar aos futuros técnicos de Proxectos de Deseño e Fabricación Industrial no ámbito dos sectores metal-mecánico. Oriéntase, por tanto a persoas, con funcións en deseño do produto e fabricación, que poidan aumentar as súas capacidades e asumir máis responsabilidades para integrarse e poder liderar equipos de proxectos de manufactura de produtos ou compoñentes mecánicos. A especialización céntrase en técnicas avanzadas de deseño na enxeñería e tecnoloxías de fabricación xunto a ferramentas asociadas á súa integración e xestión.
Plan formativo:
- Representación gráfica en fabricación mecánica.
- Deseño de produtos mecánicos.
- Deseño de moldes e modelos de fundición.
- Técnicas de fabricación mecánica.
- Deseño de utensilios de procesamento de chapa e estampación.
- Deseño de moldes para produtos poliméricos.
- Automatización da fabricación.
- Proxecto de deseño de produtos mecánicos
- Formación e orientación laboral.
- Empresa e iniciativa emprendedora.
Que vou aprender a facer:
- Deseñar produtos de fabricación mecánica, útiles de procesado de chapa, moldes e modelos para polímeros, fundición, forxa, estampaxe ou pulvimetalurgia, asegurando a calidade, e cumprindo a normativa de prevención de riscos laborais e de protección ambienta.
- Idear solucións construtivas de produtos de fabricación mecánica realizando os cálculos necesariospara o seu dimensionado, establecendo os plans de proba.
- Elaborar, organizar e manter actualizada a documentación técnica necesaria para a fabricación dos produtos deseñados.
- Seleccionar os compoñentes e materiais en función dos requirimentos de fabricación. Definir a automatización da solución exposta.
- Debuxar os planos de conxunto e de fabricación segundo as normas de debuxo industrial utilizando equipos e software de CAD.
- Optimizar o deseño dos moldes realizando a simulación do proceso de enchido e arrefriado dos mesmos para garantir a calidade dos productos moldeados, a optimización do tempo do proceso e os recursos enerxéticos utilizados.
Saídas profesionais:
- Delineante proyectista.
- Técnica / técnico en CAD.
- Técnica / técnico en desenvolvemento de produtos.
- Técnica / técnico en desenvolvemento de matrices.
- Técnica / técnico en desenvolvemento de utillajes.
- Técnica / técnico en desenvolvemento de moldes.
- Técnica / técnico de desenvolvemento de produtos e moldes
Cales son as empresas nas que podo cursar esta FP Dual?
Na actualidade, poderás cursar este ciclo con:
- NAVANTIA empresa española referente no deseño e a construción de buques militares e buques civís de alta tecnoloxía.
