CS enerxías renovables
As enerxías renovables xa non son o futuro: son o presente. Estas fontes de enerxía limpa e inesgotables son as únicas que nos permitirán ser independentes de recursos como o carbón ou o petróleo que, co paso do tempo, acabarán por terminarse. Ademais, non producen gases de efecto invernadoiro causantes do cambio climático. Contámosche como formamos aos técnicos nesta área.
Plan formativo:
Os módulos profesionais deste ciclo formativo son os seguintes:
- Subestacións eléctricas.
- Telecontrol e automatismos.
- Prevención de riscos eléctricos.
- Sistemas hidráulicos e pneumáticos.
- Configuración de instalacións solares fotovoltaicas.
- Xestión da montaxe de instalacións solares fotovoltaicas.
- Xestión da montaxe de parques eólicos.
- Operación e mantemento de parques eólicos.
- Sistemas eléctricos en centrais.
- Sistemas de enerxías renovables.
- Proxecto de enerxías renovables.
- Formación e orientación laboral.
- Empresa e iniciativa emprendedora.
Que vou aprender a facer:
- Aprenderás a xestionar o funcionamento e a montaxe, a posta en servizo, a xestión da operación e o mantemento de parques e instalacións de enerxía eólica.
- Tamén che ensinarán a avaliar situacións de risco laboral e ambiental relacionadas coa montaxe e o coidado de aeroxeradores e parques eólicos, e a detallar medidas de prevención para os diferentes tipos de riscos.
- Saberás realizar a montaxe e o mantemento deinstalacións solares fotovoltaicas e tamén xestionar e supervisar a montaxe e o mantemento, de acordo cos protocolos de seguridade e de prevención de riscos.
- Adquirirás coñecementos para organizar a montaxe de subestacións eléctricas elaborando plans e criterios de supervisión.
Saídas profesionais:
Este profesional exerce a súa actividade en empresas dedicadas a realizar a promoción, a montaxe, a explotación e o mantemento de instalacións de enerxías eólicas e solares fotovoltaicas para a produción de enerxía eléctrica e en empresas relacionadas coa xeración, transporte e distribución de enerxía eléctrica, ou que posúan instalacións de alta tensión, así como en empresas industriais que realicen traballos de montaxe e mantemento de subestacións eléctricas.
Cales son as empresas nas que podo cursar esta FP Dual?
Na actualidade, poderás cursar este ciclo con TECNORENOVA, unha das empresas de referencia no sector eólico, tanto nacional como internacional. 12 prazas.
